十一清远漂流记
<P>漂流系非常好玩刺激嘅项目，对住啲唔识嘅型男索女系咁泼，会令到我有种要同人斗嘅心情；当然如果朋友之间互相对垒，亦系兴致昂然。大学毕业旅游时去咗玄真漂流，成班同学（30几人）都话系大学期间（比起烧烤、唱k....等好行货嘅玩意）最好玩嘅一次。</P><P>于是十一决定同四个细佬妹年轻一派去清远漂流。清远有玄真、笔架山、黄腾峡三个离市区较近嘅漂流景点，由于唔想去重复嘅地方，于是我决定去黄腾峡（相对笔架山较近清远市区）。四会去到清远市区只要沿龙浦，罗源渣1个半钟头车以内就可以到，之后注意吓路牌就好容易揾倒路去黄腾峡景区。大家去漂流之前最好喂饱个肚先，因为，一，漂流会消耗你大量体力；二，山水好冻，如果唔持续去泼人地，好易冻趁；三、黄腾峡得快餐，20一个××猪肚饭......</P>
<P>去到景区售票点，吓咗一跳：门票有三个档次，138勇士漂（前段）、168猛士漂（后段）、238勇猛漂（全程）。捻住难得过嚟，最后心口一勇买238，5张......</P>
<P>我地验票后（由于唔同漂段，全程漂要带条手牌，漂到勇士起点时会有人收集）上咗一部旅游中巴，挤逼中向山上进发。山路算十分惊险，沿途可以睇到峡中水流同听到人群嘅惊呼声。8分钟后到达起点，穿上救生衣，带上头盔，再验票后我地就开始咗成2个钟刺激旅程......漂流嘅个中乐趣就要大家亲身去体会喇...俾啲tips大家：</P>
<P>1.衫裤，水壳一定要备（水壳可以响入景区前路上买1.5－2蚊一个，唔系到里面好贵）。</P>
<P>2.黄腾峡漂流原则上系2人一条船，太细个嘅要家长陪同（1.3m以下）开始时我同两个细妹一条船，3个人船太重，去势唔够刺激，后来俾踢到咁岩漂嚟嘅空船。结果我一个人又太轻，好难操控（没有船桨）。所以大家去之前要安排好。买水壳要入黄腾峡嘅途中见到小店就买。</P>
<P>3.如果同朋友一齐嘅记得响平缓嘅地方等等大家，唔系会少好多乐趣...尽情泼人，大家都好玩得，唔泼盏冻趁自己。</P>
<P>4.漂流永远都唔嫌人多，就怕靓女少。十一期间虽然好多人，但系水道依然系咁刺激。</P>
<P>5.自己渣车去要问清楚人地路。开车进入清远后最好叫随车人简单画地图（四会太低调，路牌都帮我唔倒），唔系就会好似我地走时咁响清远白白兜咗一个钟！！</P>
<P>漂到终点，仲有人帮你免费影数码相，不过攞相就要15蚊。下一次会再试吓笔架山，因为笔架山系大景区，有其他嘢玩；而玄真就可以去飞来峡水库参观（跟团，个人感觉好一般，倒是跟团船游小北江食午饭比较有意思）。总体嚟讲，我都系中意漂黄腾峡多过玄真。</P>
<P>日落西山，我地开始启程番嚟，一路上啲细佬妹个个攰倒训着，感觉真系非常写意。</P>
[此贴子已经被作者于2005-10-13 21:41:23编辑过] <P>唔,我都去过清远漂流,但依家咯个景区开发得太利害的,</P><P>所以人太多,咯时候早上去,要等到下午两点几先有得漂,</P><P>尽管有小小扫兴,但系一玩开就好开心,</P><P>见到人就拨水,兴起的时候连头盔都罗落来拨,结果比岸上的管理员罗....</P><P>好似清远咯个都系够水库存水的,放完就无水了,所以觉得吾系好自然...</P><P>人地话环集有广东最高的暴布,而且都有漂流,下次有机会去睇下</P>
页:
[1]