[分享]养流浪猫嘅第一天
<p> 事实终于话俾我知，只猫猫系冇人肯收留佢了。本来有个人话可以收留佢，但佢话养大会拿来吃，我都系唔想将佢送俾人，与其俾人吃，倒不如去做野猫好过啦。但系佢而家咁细个，丢咗佢唔知识唔识得生存，所以我都系决定照顾佢一排先再考虑点安置佢。<br/> <br/> 因为妈妈唔俾我将猫猫带番屋企，我惟有将佢带咗出铺头，仲同佢安咗个好老土嘅名叫“开心”——希望佢可以开开心心，就算冇人要佢。<br/> <br/> 同佢洗白白嘅时候，佢好乖好安静，一D都唔挣扎，唔同得我屋企嗰两只咁，见水怕过见鬼。望住佢静静咁眯埋眼俾我搓泡泡嘅样，我忽然觉得好心酸，唔知佢知咗自己嘅身世会唔会都一样咁伤心难过。冲完凉将支神奇药笔整碎渗上开心个身度，佢一直都好配合，虽然我都好小心，但都好惊会整到佢对眼度，好彩佢识得眯埋对眼，好似好ENJOY咁样，唉，可怜嘅猫猫。<br/> <br/> 搞掂咗之后同开心戴咗只靓靓猫箍，带住佢响铺头周围散步。佢好似好兴奋个样，见到乜都走埋去闻下又摸下咁，行过坑渠佢仲伸个头入去好凶狠咁</p><p>叫咗两声，可能系话俾D老鼠知以后呢个地头由佢来睇咁嘅意思。<br/> <br/> 行咗十零分钟，我要番去吃饭了，就带番开心番去，佢好似好唔舍得咁，仲瞓响地下打滚赖死唔走，我猛咁同佢讲够钟番去吃饭啦，讲咗好多次佢先 </p><p>依依不舍咁跟住我番番入去，然后我绑响窗口，放咗碟鱼同水俾佢。<br/> <br/> 行出门口之后，佢响后面猛咁嗌，我行番入来佢又唔嗌了，同佢对咗一日，睇来佢对我都有咗感情了。<br/> <br/> 吃完饭我又好挂住佢，又出咗去睇佢，先发现佢有少少肚屙，可能我未收留佢之前吃咗D唔干净嘅嘢，而且佢咁细个，肠胃功能未系好好嘅原因吧，</p><p>我拿咗粒药，整烂掺落条鱼度喂佢吃咗，就同佢一边玩一边倾计，佢都好开心咁跳上跳落，应该系响度熟悉紧环境。<br/> <br/> 可能而家我系开心唯一嘅亲人了，我都系第一次收养流浪猫，可能因为我第一眼见到开心嘅时候就觉得好有亲切感，而且佢都唔怕我，所以我先决定 </p><p>收留佢。希望佢可以好似条名咁，无论身世几可怜，无论遇到乜嘢风雨，都能够开开心心咁去面对将来嘅每一日，如果第日真系要将佢放生，我都唔知自</p><p>己到时舍唔舍得。</p> 楼主好野~~有无只猫咯相牙~~ <p>只猫猫同我头像差唔多，不过对眼同耳仔大D，好少见咁细个猫猫对眼同耳仔有咁多，可能因为佢从小就面对咁多困难有关啦</p> <p>吾钟意猫~~钟意狗多的~</p><p>不过都希望多的人关注下的流浪猫狗~~</p> LZ真有爱心！～ <p>哗......甘有爱心........小心被猫抓啊....刚收养就帮它洗澡.容易抓人啊.........</p><p> </p> <p>我想问一声，如果俾它抓左，要去医院打针吗？</p><p></p> <p>我屋企三只猫,三只都抓过我,不过只系烂咗少少皮,所以都无打过针</p><p>不过出于安全,最好去打啦,只不过我觉得第一佢哋一直都响屋企无出过去,第二抓得都唔系好严重,所以我无理过</p>
页:
[1]