[贴图]6月11号收养嗰只流浪猫猫嘅相
http://www.aosea.com/attachments/UploadFile/2007-9/20079110351661491.jpg<br/>http://www.aosea.com/attachments/UploadFile/2007-9/20079110351637322.jpg<br/>http://www.aosea.com/attachments/UploadFile/2007-9/20079110351617498.jpg<br/>http://www.aosea.com/attachments/UploadFile/2007-9/20079110351653067.jpg<br/>http://www.aosea.com/attachments/UploadFile/2007-9/20079110351678293.jpg<br/>http://www.aosea.com/attachments/UploadFile/2007-9/2007911036793861.jpg<br/>http://www.aosea.com/attachments/UploadFile/2007-9/2007911036786403.jpg<br/>http://www.aosea.com/attachments/UploadFile/2007-9/2007911036766580.jpg<br/>http://www.aosea.com/attachments/UploadFile/2007-9/2007911036761157.jpg<br/>http://www.aosea.com/attachments/UploadFile/2007-9/2007911036744451.jpg<br/>http://www.aosea.com/attachments/UploadFile/2007-9/20079110365315704.jpg<br/>http://www.aosea.com/attachments/UploadFile/2007-9/20079110365326276.jpg<br/>http://www.aosea.com/attachments/UploadFile/2007-9/20079110365396453.jpg<br/>http://www.aosea.com/attachments/UploadFile/2007-9/20079110365342022.jpg<br/>http://www.aosea.com/attachments/UploadFile/2007-9/20079110365325315.jpg<br/>http://www.aosea.com/attachments/UploadFile/2007-9/20079110373721414.jpg<br/>http://www.aosea.com/attachments/UploadFile/2007-9/20079110373713957.jpg<br/>http://www.aosea.com/attachments/UploadFile/2007-9/20079110373784133.jpg<br/>http://www.aosea.com/attachments/UploadFile/2007-9/20079110373729702.jpg<br/>http://www.aosea.com/attachments/UploadFile/2007-9/20079110373739570.jpg<br/>http://www.aosea.com/attachments/UploadFile/2007-9/20079110382887987.jpg<br/>http://www.aosea.com/attachments/UploadFile/2007-9/20079110382880530.jpg<br/>http://www.aosea.com/attachments/UploadFile/2007-9/20079110382860706.jpg<br/>http://www.aosea.com/attachments/UploadFile/2007-9/20079110382896275.jpg<br/>http://www.aosea.com/attachments/UploadFile/2007-9/20079110382815316.jpg<br/>http://www.aosea.com/attachments/UploadFile/2007-9/2007911039437893.jpg<br/>http://www.aosea.com/attachments/UploadFile/2007-9/2007911039430436.jpg<br/>http://www.aosea.com/attachments/UploadFile/2007-9/2007911039434251.jpg<br/>http://www.aosea.com/attachments/UploadFile/2007-9/2007911039469820.jpg<br/>http://www.aosea.com/attachments/UploadFile/2007-9/2007911039495045.jpg<br/>http://www.aosea.com/attachments/UploadFile/2007-9/20079110393889590.jpg<br/>http://www.aosea.com/attachments/UploadFile/2007-9/20079110393882132.jpg<br/>http://www.aosea.com/attachments/UploadFile/2007-9/20079110393897463.jpg<br/>http://www.aosea.com/attachments/UploadFile/2007-9/20079110393843032.jpg<br/>http://www.aosea.com/attachments/UploadFile/2007-9/20079110393826326.jpg<br/>http://www.aosea.com/attachments/UploadFile/2007-9/20079110395379662.jpg<br/> 可爱,活泼喔! <p>哈哈，好似大只左錦多咯，卡卡，比只狗欺負了，樓主的拍攝麻麻，只貓眼好恐怖！</p><img alt="图片点击可在新窗口打开查看" src="http://www.aosea.com/billow/emot/17/17.gif" style="CURSOR: pointer;"/> 比猫猫有个家真系幸福 <div class="quote"><b>以下是引用<i>bbsadmin</i>在2007-9-12 0:05:00的发言：</b><br/><p>哈哈，好似大只左錦多咯，卡卡，比只狗欺負了，樓主的拍攝麻麻，只貓眼好恐怖！</p><img alt="图片点击可在新窗口打开查看" src="http://www.aosea.com/billow/emot/17/17.gif" style="CURSOR: pointer;"/></div><p></p>由于当时系黄昏，光线唔够，开灯同唔开灯都采光不足，如果关闪光拍一定要延长曝光时间，而延长曝光时间系好难拍到咁活泼周身郁嘅猫猫，所以迫不得已要用闪光 <p>呢只猫猫养落之后就发现佢真系好多优点。</p><p>1：唔怕水。同佢洗白白嗰时佢嗰种表情简直抵死到痹：唔缩唔挣扎不但止，仲要直程成个身瞓落个盆度，只系露出个头响水面上。有时落完雨阳台积住一两滩水，佢行过总喜欢落去打个滚，有时直接就趴住滩水度玩，搞到经常要同佢洗白白。</p><p>2：爬树叻。恐怕佢就系传说中唔教老虎爬树导致老虎同猫以“识唔识爬树”来区分并避免咗做“教识徒弟饿死师傅”嘅牺牲者嗰只猫猫了。因为佢住嘅地方门口有两棵树，唔知从何时开始，爬树就作为佢嘅本领喺我哋面前闪出光彩。佢爬树速度极快，两三米高嘅树，佢只需数秒就爬咗上去，整套动作一气呵成绝唔拖泥带水，而且上咗树后好快就由运动状态转入静止状态：喺树衩上面趴住眯埋眼乘凉。至于落树，俗话讲“上山容易落山难”，但呢句话喺佢身上验证唔到。由于猫猫嘅爪系弧形向后弯曲，我一直觉得佢要喺高处落下，似乎调转个身落会比较安全，但佢次次都系个头向下咁先慢慢滑落到树身嘅一半，离地大概一米高左右就冲跳落来，同样一气呵成。后来我研究咗一阵佢个手，估计佢利用个肉垫同树干摩擦来控制滑落速度，然后目测离地嘅安全高度再根据赶唔赶时间来决定继续滑落定系一步跳落来。</p><p>爬树对于佢来讲似乎已经成为咗一种习惯，就好似有D人中意耍太极，生活中好多时都中意耍番两招咁，猫猫好多时都将我同我姐姐个身体当成一棵树咁爬，印象最深就系好多时我煮嘢吃嗰时，佢会从我背后一直爬上我膊头，然后蹲喺上面，就好似人哋养鹰嗰D人咁，只不过我嗰只系猫 ^-^</p><p>3：有良好卫生习惯。刚带佢番来嗰段时间，为咗自小养成佢良好卫生习惯，我就将佢放喺厕所外，每次都将佢随地嘅便便丢落厕所然后拎佢过去闻过再冲走。好在佢慢慢终于习惯咗去厕所便便，甚至有时喺出边玩紧都要箭一般冲番来去厕所便便。值得一提嘅系佢似乎有少少洁癖：有时我哋去厕所时由于对鞋污糟，喺厕所地面踩到有好多黑乎乎嘅鞋印，结果猫猫要去WC嘅时候发现地下污糟，就不停咁叫（佢每次便便都会叫，一边方便一边叫），走来走去坐立不安，就系唔肯去解手，后来我用水冲干净个地下佢先恢复常态咁去解决大小事，解决完马上又继续玩佢方便前玩紧嘅嘢，真系服咗佢了。</p><p>4：适应能力强。初初带佢番来，佢对周围嘅一切都好怕，只要我唔喺佢视线范围内佢都会好不安咁叫，条尾一直都竖起仲有轻微颤抖，我睇电视嗰时佢喜欢傍住我脚边趴响地下，对眼同耳仔一直都保持住警惕咁观察周围。后来过咗大概有一个星期，佢开始唔系十分依赖我给佢带来嘅安全感，一般情况下都唔会再因为我唔喺佢身边而不安；再过多一星期，我解开咗佢条绳，佢开始日日都楼上楼下咁巡逻，呢度闻闻，嗰度索索，甚至有时我都唔知佢去咗边，要叫佢佢先会喺某个角落伸个头出来，但始终都唔敢离开屋企；收留咗佢一个月后，佢对环境越来越熟悉，带佢喺周围行过嘅地方佢都识得自己出去玩，到吃饭时候就番来，甚至有时走过对面马路玩，记得有一次佢仲要好嚣张咁喺马路中心瞓住打滚晒太阳，好在有车来佢识得冲番来，后来我成日唔俾佢出马路玩，佢都有所收敛了（记得我细嗰时养过一只猫俾车车死咗，当时我哭咗一日，所以而家一直都有阴影，好怕呢只猫猫又再一次死喺我面前……），而家一般都喺屋企附近玩。</p><p>5：善于同附近嘅朋友沟通。除咗佢，屋企仲养有另一只狮子猫（叫CC）同一只普通家犬（娃娃）。开心初初番来嗰时，CC好似好唔妥佢咁，经常对住佢“符”（喉咙发出吼声嗰种，一般猫用呢种方式来表示警告嘅意思，后果系极有可能会发生战斗），开心好怕佢，通常呢个时候娃娃都会走过来企喺开心身边，用个嘴去拱CC，好似喺度做中间人，平息佢哋嘅敌视态度咁；而到咗而家，反而变咗开心成日“符”CC，而娃娃又会走到佢哋两个中间望住佢哋，如果我识得听佢哋嘅语言就好了，估计佢哋三只之间嘅对话会好有趣。</p><p>开心同娃娃关系十分好，佢哋经常抱成一团打滚，开心好中意揽住娃娃条颈荡秋千，而娃娃脾气又好，从来都唔会打佢，所以佢哋两个好到可以合作做某D事情，例如偷吃。有一次，厨房放住半条鱼，开心跳咗几次跳唔上去，我喺对面阳台睇到，觉得好搞笑，就无出声继续望，开心就转头走落楼，过咗一阵，我以为佢放弃咗，点知佢同娃娃一齐出现喺厨房嘅阳台上，然后开心跳咗几次，可能系话娃娃知佢唔够高，娃娃就企住无郁（通常狗狗都好少偷吃主人家D食物），开心就一跳伸出双手抱住娃娃条颈然后顺势一荡翻上娃娃背脊，对脚一点马上就弹咗上阳台上了，我叫咗一声，开心望见咗我，马上又扮到好正经咁嘅样望住嗰半条鱼，就系唔敢伸手拿。</p><p>而开心同CC就经常一齐喺附近嘅屋顶上玩，两个经常玩追追，攰咗就趴住晒太阳。可能由于喺地下，车多人多墙多，佢哋玩得唔够尽兴，所以佢哋只要行埋咗总系过一阵就一齐跳上屋顶玩。</p><p>讲咗开心咁多优点，其实佢都有缺点嘅，就系：养极都唔得肥。带番来嗰时一斤多D，养咗有成半年了，都系得二斤，但佢又好吃得，不过就D肉都好结实，可能喺人类来讲，佢系属于举重运动员嘅STYLE啦，哈哈。</p><p></p> <p>强强!正所谓秋风起食野味~你只狗甘大只食得咯喔!你几时扑佐距啊?记得比电话我喔!等我又来食先得!</p><p></p>
页:
[1]