[旧贴分享]一个撇女的感人事迹``

某领导

1)     
       我以前真系可以话系几滥下嘅女仔.但系直到我遇见佢...     
       无人系一生出来就系滥嘅.其实大多数都系受咗刺激.或者系俾人玩过.而我就系属于后者...     
        十四岁嗰年.我遇见一个令我明白咩叫爱嘅男人.佢叫平.或者十四岁真系细咗D啦.但系我属于比较早熟嗰种.所以讲爱.一D都唔过份.遇见佢.我可以话真系抛晒身去爱.同佢一齐无几耐.我就将第一次俾咗佢.当时我真系好爱好爱佢.只要佢要只要我有,我都可以俾佢...     
        嗰晚嘅第二日.佢妹同我讲话听到佢哥同佢哥 D F讲话怀疑我系唔系处嘅.虽然有血.但系同佢一齐无几耐就肯同佢做...我听咗之后好嬲.我肯俾佢系因为我爱佢.但系佢居然咁讲我.我就喊住走......     
        我番到屋企佢就打电话来氹我.话佢只不过同佢D朋友讲下笑.佢从来无怀疑过我.或者嗰阵真系俾爱冲昏咗头脑.我居然相信佢.之后我哋就无风无浪咁过咗一段时间.有次.我哋出去玩.我同佢一齐识咗个女仔.叫嘉嘉...嗰晚我地仲同埋佢个男仔嘅朋友一齐去咗个女仔度训...     
        过咗几日.佢打电话来揾我.我一听到系佢把声真系好开心.但系我估唔到佢一开声就讲话同我分手.之后就挂咗电话.我打番去佢就唔听.我好伤心.真系好伤心.我咁爱佢.连最珍贵嘅第一次都俾咗佢.佢就咁样对我...     
        我喊咗好耐.之后我觉得我需要揾个人倾下.之后我去咗揾嘉嘉.嘉嘉好似早就知道咩事咁.佢无讲D咩.只系同我讲话叫我忘记咗平.佢话佢知道平有咗第二条女.我问佢系边个.佢话嗰个女仔就系佢...     
        我企喺度成个人呆咗.过咗一阵.我问佢.佢哋几时开始.佢话寻晚.佢仲话我知寻晚平喺佢度过夜.我真系觉得好痛心.虽然我哋唔系好好朋友.但系都算系朋友啊.佢点可以咁样出卖我.我真系对朋友同爱情呢四个字灰晒...     
        我唔知自己仲可以点.我只知道我一眯埋眼就见到佢.我好痛苦.我开始啪安定.开始晚晚出去HI嘢出去蒲.每次我HI完嘢一清醒可以话身边都会有个男仔.次次都唔同.我开始作贱自己.只要我睇得上眼嘅开房无问题.上床都无问题.     
         唔够半年.我就已经同超过五个男仔发生过关系.好多人其实都喺度讲我嘅闲话.但系我唔在乎.心都死咗.身体要来又有咩用?     
         直到我遇见佢......     
(2)      
       嗰时系冬天.我嗰晚HI大咗.走咗出去间场嘅后门.我猫喺度.我好唔清醒.但系我成个脑都谂起平.我好痛苦.我猫喺度喊.喊得好犀利.突然间有人开咗后门行咗出来.佢企喺度讲电话.我望咗佢一眼.几靓仔.几高几瘦下.应该都系成日出来蒲嘅男仔.但系我呢间场我一个星期来足七晚都未见过佢.基本上来呢度蒲嘅我都识.      
        "你唔好咁棱烦得唔得啊?我D事使棱你理啊.你自己掂点自己得啦."佢好嬲咁对住部电话讲完就CUP咗电话.      
        "哇...你猫喺度做咩啊?想吓死人啊.顶..."佢望到我吓咗一大跳.      
        "我猫喺度都要你批准啊?我喺度好耐啦.系你自己青光眼咋."我大大声咁闹番佢.无拉拉咁大声吠我.想死啊...      
        "你喊啊?"佢猫喺我对面.好近好近.我甚至可以见到佢D汗毛.      
        "我喊又关你事?我D事使棱你理啊.你自己顾掂你自己得啦."我学佢头先咁闹番佢.      
        "问下啫...HI大咗啊?上来我间房坐下啊."佢越靠越埋.我就越缩越走.      
        "你间房有宝啊?"我用杀死人嘅目光望住佢.      
        "宝就无啦.不过K就有一包."佢唔知喺边度?#123;咗包纸巾俾我.(我谂地下无得执呱?)      
        之后我就咁识咗佢...      
         上到佢哋间房.成班人都好生面口.我谂都系第一次落来呢度玩.除咗有个女仔我见过嘅.但系唔识.佢都周不时落来玩.      
         我坐喺佢隔离.佢?#123;咗包K过来俾我嗦.嗦完之后就同我倾计...      
         "可唔可以话我知你叫咩名啊?我叫华仔."佢望住我.只手慢慢搭喺我脖头度.我无拒绝.反正我都惯噶啦...      
[em03]

某领导

"VIKI..."讲真嗰句.我都对佢几有FEEL.但系我好清楚.即使再有FEEL都无用.一晚之后大家当无识过.      
        "你头先做咩喊啊?讲我知啊.睇下我帮唔帮到你."佢讲呢句话嘅时候个样好认真.好温柔.虽然知道系扮出来.但系我都有几分动容.      
         "无嘢啊."      
         "俾人飞啊?边个咁无眼光啊.咁啦.我做你条仔啦.我都唔算差啫."佢好越讲越似真.      
         "好..."唉..呢D说话我已经听到麻木咗.      
         "你话噶.咁以后我就系你条仔噶啦.你唔好出去媾仔啊."佢讲完就锡咗我坏?#46;      
         就咁样,我哋开始咗.同佢倾咗成晚先知原来佢系呢边人.好细个就出咗香港.今晚带香港D F落来玩...      
         本来我以为收皮之后佢会带我去开房.但系佢无.佢开车送咗我番屋企.佢问我要咗我个电话.之后锡咗我一淡就走咗.我喺度谂或者佢今日玩得太疲倦所以对嗰D嘢无兴趣.      
         后来几日.佢都无打电话俾我.我已经几乎忘记呢个人.但系嗰晚......     
3)      
        嗰晚我又HI大咗.我东歪西倒咁行向后门.一开门我就见到华仔又?#123;住部电话喺度倾电话.我本来想缩番入去.但系佢已经见到我...      
        "听日先打番俾你.我条女来咗."佢一边向我行过来一边对住部电话讲.之后就CUP咗电话.       
        "你做咩俾个假电话我啊?搞到我揾都揾你唔到!"佢过来揽住我.语气有小小嬲.但系表情又好似好开心.      
        "我边有啊?你自己记错电话咋呱."我真系好意外.佢居然仲话我系佢条女,或者佢仲想食呢份未食过嘅消夜.      
        "唔系13XXX6XXXXX咩?"佢居然背得出我个电话.虽然错咗一个号码.      
        "13XXX9XXXXX啊..都话你自己记错噶啦!"可能佢有过眼不忘嘅本事啦.我实在揾唔到理由去相信佢会用心去记我个电话.因为我个号码11位数9个数字.连我自己都用咗好耐时间去记.      
        "可能我嗰日将9按成6啦.唔怪得啦.打过去次次都系空号.我以为你玩我添啊."佢摸住我块面.又锡咗一淡.好温柔.好温柔.      
        之后我又同佢上咗去佢间房玩.但系今次班人几乎都识得.其中一个就系平.我成个人傻咗.我喺呢间场玩咁耐从来都无见过佢.但系今晚居然俾我喺度撞见佢.      
        "呢个我小学同学啊.叫阿平."华仔坐喺平隔离.我坐华仔隔离.佢介绍平."呢个我条女."      
        "HI..."平先同我打招呼.我点咗下头无讲嘢.或者佢唔想俾华仔知我同佢D 嘢啦.但喺成间房得华仔一个唔知...      
       我成晚都坐喺华仔隔离.华仔成晚都孔‖?#46;佢同我讲好多嘢.我都无心装载.我时不时会偷偷望下平.佢瘦咗.染咗头发.半年无见.佢好似无咩变到.但系或者佢会好惊讶.以前嗰个甘乖嘅我会变成咁...      
        又收皮啦.佢真系车咗我去开房.睇来佢真系同嗰D人无咩分别...      
        一切同我想象中嘅一样.我哋发生咗关系.可能太过累.一阵间我就训着咗.到我训醒已经系傍晚六点几钟.我隔离嗰半张床空咗.一切都同以前一样.每次同D男仔做完第二日都会得我自己一个番去.今次都唔例外.      
        但系我摸咗下隔离.有余温.可能佢岩岩走啦.我坐起身去厕所刷完牙出来见先发现台度有个礼物盒.我走过去拆开来睇下.系一条白金手链.我喺度谂或者系佢要买来送俾人哋走嗰阵唔记得?#123;啦.就喺呢个时候个门开咗.我见到佢抽住两袋M记行入来.我嗰阵有种好奇怪嘅感觉.连我自己都讲唔出...      
         "你醒咗啦?我头先去咗买嘢俾你食啊.怕你醒咗之后肚仔饿."佢行过来将D嘢放喺床头柜度...      
        "噢.."我应得好冷淡.但系其实我个心好暖.好暖.佢系第一个同我讲呢D嘢嘅男仔.       
        "我对你咁好你唔奖励下我噶?"佢笑住走过来揽住我.笑得好奸.      
        "你想我点奖励你啊?"我突然间有种好幸福嘅感觉.虽然我知道只系过眼云烟.      

某领导

    "我想..我想...我想...."佢个头越靠越埋."我想你锡我一淡咯.次次都系我主动锡你."      
我松咗口气.本来我以为佢会话想嗰味嘢.但喺我真系无谂到一个大我四岁嘅男仔会有咁细路仔咁可爱嘅一面.      
        我锡咗佢一淡之后佢走过台度?#123;起个礼物盒递俾我."送俾你噶!睇下钟唔钟意.我今日趁你训着嗰阵落去买噶!"      
        "多谢.我好钟意."我依然面无表情.但系我真系好开心.好感动.我开始奢想佢对我对我系认真嘅.佢走过来帮我戴好条手链.又喺我块面度锡咗淡.      
        食完嘢过咗一阵佢就送咗我番去.佢话今晚有嘢做.我未入到屋就有F打电话叫我出去玩.我哋又落咗嗰间场.今晚同我哋出来嗰班仔我全部都识嘅.玩咗一阵.有个叫飞嘅男仔过来揽住我.我知道佢有条女.佢哋行咗三年有多.但系佢成日都出来媾女.呢D连佢自己条女都好清楚.当然.我都无必要拒绝啦.      
        之后我好唔舒服.想呕.飞扶我出去买水饮.我哋一出到门口就见到华.佢都见到我哋.佢走咗埋来.扯开我.捉得我只手好痛.佢成个样青筋都出埋来.好嬲...      
        "你咁算点啊?电话又唔开机.仲喺度媾仔.你当我死噶?我一做完嘢就揾你.你咁棱样对我?"佢越讲越激动.越捉越紧.连我HI到傻更更都觉得痛.      
        "我电话无电."我推开飞.唔敢抬头.但系我好唔明白佢点解咁嬲.唔通佢真系当我系佢条女?      
        "无电就可以媾仔啊?你讲啊."佢讲得好大声.好恶.吓走咗飞.亦都搞到个个都望住我哋.      
        "SORRY.."我唔知点解佢越嬲我个心就越甜.或者我真系渴望被重视啦.      
        "SORRY?一句SORRY就算啊?我同你讲啊.下次再见到你媾仔你就死俾我睇.我唔打你都打死D七头."华虽然好大声.但系佢咁讲其实都已经原谅咗我.      
        嗰日之后.佢日日都同我一齐.但系佢就一直都无带我番佢屋企.虽然我有时会唔开心.但系我一直都无开口问佢......      
        不知不觉我哋行咗个几月.嗰个几月中我哋都好开心.过得好快乐.终于.华自己开口话过年带我番屋K     
 4)      
        转眼间就过年啦.年三十嗰晚我哋喺酒店一训醒佢就车我番去佢屋企.佢屋企好冷清.得佢妈一个喺度等我哋番去.佢无兄弟姐妹佢讲过.但系佢从来都无讲起过佢爸.我谂佢爸可能过咗身.又或者同佢妈离咗婚啦...      
        未食得饭.我同佢喺厅度坐.可能我已经爱上佢啦.所以我好想知道关于佢嘅任何嘢.      
        "咦...唔见你老豆嘅?"我用试探嘅口吻问佢.      
        "我无老豆噶.你唔好再提呢两个字."佢好火.自从上次同飞锅嘢之后佢都未试过大声同我讲嘢.但系佢今次咁大声同我讲嘢.我个心好唔舒服.      
        "SORRY..我无心噶."佢好似睇得出我唔开心."佢同我妈离婚好耐啦.你唔好再提起佢啦.我哋都当无咗呢个人噶啦."      
        "嗯..."本来我都只系小小唔开心,但系佢越系温柔我就越觉得委屈.      
        "锡锡啦..唔好咁啦.我妈见到会唔中意噶."佢揽实我.锡我块面度乱锡.      
        一边食饭佢妈就一边起我底.我都有句答句.之后佢问我咁细个做咩唔读书.我无答.唔出声.就话我食饱啦...之后就行咗入佢间房.      
        佢跟住我行咗入来."我妈系咁噶啦.你唔好摆喺心度啦."      
        "我无嘢啊.你出去食饭啦."我笑得好假.虽然呢个问题无咩.但系我真系唔知点答.      
        "走咯.我哋出街食啊."你拉起我行出门口.      
        "无咩事唔好带佢番来啊."我哋行到门口佢妈就用好严肃嘅语气讲咗呢句嘢.      
        佢无出声.大大力咁关上门.但系我块面已经变咗苦瓜.佢一路咁氹我.氹咗好耐.终于到咗晚上11点几.佢车咗我去广场倒数.喺人群中.佢捉住我只好.好紧.好紧.好似话我知点都唔会放开我.      
        嗰晚我哋又出咗去玩.玩到第二日先番去.佢又车咗我去佢屋企.我唔肯行入去.佢就同我讲.佢要用行动话俾佢妈知佢认定我.    

某领导

  但系佢妈都好难应付.日日都用D好婉转嘅说话来话我知佢唔钟意我
5)      
        就咁样.又咗一段时间.2月14情人节.我六点几钟训醒天已经黑咗啦.可能因为冬天啦.但系佢已经起咗身.唔知去咗边度.我打佢电话.佢就话今日有嘢做话今日陪我唔到.提都唔提情人节嘅事.我"哦"咗一声就CUP咗电话.好唔开心.情人节都唔记得唔紧要.我同佢讲过好多次.情人节系我生日.佢咁都可以唔记得.我真系无办法唔发脾气.      
        过咗一阵.佢个朋友打电话俾我.话见到华同个女仔上咗去XX酒店.之后佢打电话问华.华讲咗边间房俾佢知.佢邓我唔底就打个电话话我知.仲话来车我过去捉华.      
        我听到之后好伤心.好嬲.换完衫就落咗去等华个朋友.佢车我到XX酒店门口就走咗.话怕华会怪佢.我自己行咗上去.到咗嗰间房门口我就扭咗下门锁.无锁门...我就直行咗入去.      
房度无开灯.但系有蜡烛嘅光.我好嬲.狗男女.居然喺度烛光餐.                      
          "老婆仔...我爱你.生日快乐加情人节快乐."华突然间抱住一扎红玫瑰.企喺我面前.虽然好暗.但系我都可以见到佢块面红晒.一齐几个月.第一次听到佢叫我老婆仔.第一次讲我爱你呢三个字...      
         "......"我呆咗喺度.唔知点好.本来好嬲嘅心情突然间好感动.直到眼泪滴咗落来.我先回魂...      
         "傻猪.你做咩喊啊?使唔使感动成咁啊?"佢将扎花塞俾我之后帮我抹咗下眼泪."咁就感动成咁搞到我都唔敢再?#123;呢样嘢出来啦."佢讲完喺袋度?#123;咗只戒指出来.虽然粒石唔算大.但系我已经超级感动.佢帮我戴喺右手只无名指度."以后你就系我老婆噶啦.鬼叫你细个未够年龄注册咩.唔系就摆足一百围贺下佢啦."      
        "你好衰啊.咁样玩我.搞到我头先超伤心啊.下次唔准咁啊!"我捉住佢件衫来抹眼泪.      
       "咁先够惊喜啊嘛..哇...乜咁搞啊.摆酒都系呢件噶啦."佢一边笑一边用件衫帮我抹眼泪.我终于知道咩叫幸福.从你走进我生命的那一刻.我的世界到处都是彩色.是你给我彩色世界......      
日.佢香港个老细打电话来叫佢番去.话有嘢要倾.      
        "出来倾下."佢出咗去之后.佢妈就来敲门.      
        喺厅度佢坐喺我对面.好严肃咁望住我.十几分钟都无出声.      
         "有咩你就讲啦."我率先开口.再对望落去我怕我会变白痴.      
         "你同阿华一齐有咩好处啊?我谂我要话你知.虽然我哋住靓屋开靓车.但系等我死咗之后D遗产都唔会俾阿华.喺佢话唔读书嗰日开始我都讲好咗.要佢自己赚钱养自己.我唔会俾钱佢洗.以后我死咗所有财产都归佢舅.因为我要我个仔自力更生."佢妈讲完就将份遗嘱推到我面前.想证实佢所讲嘅嘢.      
         "咁又点啊?唔通你同世伯结婚都系为咗钱咩?"我讨厌人哋?#123;钱挞我.有钱好巴闭咩?只不过嗰两千万几万存款就可以用钱来侮辱人哋嘅人格咩?      
        "......"佢用好奇怪嘅眼光望住我.可能俾我顶到讲唔出嘢来啦.      
        "我知我咁细个无资格同你讲爱.但系钟意一个人都唔可以用钱来衡量."我讲完呢句嘢就入咗房.佢一直都无出声...      
        当时其实我真系好惊.不过可能嬲过头啦.先会敢讲出嗰D嘢.我番到房自己一个坐喺度傻笑.呵呵.我都唔知自己几时变得咁勇敢.好似电影度咁.同个阿婶讲爱.哈哈!!!      
        过咗一阵华番咗来.我同华讲咗我今日讲D嘢.佢都笑咗一阵就好认真咁同我讲.叫我唔好再提佢老豆,唔喺嘅话就好大锅.      
        "到底咩事啊?"我真系好想知.      
        "佢同我妈一齐嗰阵好穷噶.之后我妈同佢挨咗成十年.有咗钱之后佢就出滚.跟住仲要同我妈离婚.嗰阵我得3.4岁咋.我妈一手一脚带大我.呢几年佢猛咁揾我哋.因为佢个二奶无得生.佢无后代就想揾番我.我哋都好憎佢."华讲得好清楚.我见到佢D表情好痛苦.      
        "唔好提啦.以后我哋一家三口要开开心心啊.哈哈!"我坐上佢大腿度撒娇.      

某领导

      "猪头..."佢将我抱得好紧.我谂佢个心度一定好激动.     
    6)       
         嗰晚.佢喺度同个F倾电话.我冲完凉出来见到佢个样好恐怖.好似好嬲.好火.      
         "做咩啊你?咁嬲嘅?"我坐喺佢身边一边抹干D头发一边问.      
         "你知道我最憎人哋呃我,你点解仲要呃我啊?"佢好激动咁企起身.瞪大对眼.      
         "我呃你咩啊?你发咩颠啊?"我好无辜咁望住佢.我几时呃过佢啊?      
         "你同过平一齐点解唔话我知啊?"佢逼近我问.      
         "边个同你讲噶..."我心虚咁答.但系我无心呃佢.      
         "你理得边个讲啊.我问你点解呃我啊?"佢退咗一步撞到电脑台.      
         "我唔系有心呃你噶.我都系唔想你难堪啫..."      
         "我点解要难堪啊?有咩好难堪啊?我根本唔在乎你嘅过去.如果在乎我都唔会同你一齐啦.早就有人同我讲过你以前D嘢啦.你以为我真系咩都唔知啊?个个都话你老泥妹.话你点下贱点下贱我根本唔在乎.我在乎嘅系你同我一齐之后点样."      
        我掴咗佢一把.之后就猫喺度喊...      
        我最唔想听到嘅嘢居然出于自己心爱嘅男人把口.口口声声话唔在乎.唔在乎就唔应该再提啦.      
        "对唔住啊.对唔住啊.系我错啊.好唔好."佢见到我咁样即刻过来氹我.佢一揽我我就推开佢.我真系好伤心...      
        "你走开啊.我唔想再见到你啊!"      
        "原谅我啦.我真系唔系有心提你以前D嘢噶.系我错啦.好唔好."佢一变讲把声就已经变咗.因为佢都喊咗.      
        "我唔系有心呃你啊.我都唔想提以前啊.我同佢都系怕你知道咗会唔开心咋.!"我望住佢.好心痛.我第一次见到佢喊...      
        "唔提啊.大家都唔好提啦."佢揽住我.我哋两个喊咗一阵就当好似无事发生过咁.      
        终于大家都知道对方之间嘅爱有几深啦.所以我同佢都好珍惜对方.好体谅对方.但系我始终都系过唔到佢妈嗰关... 
      时间流逝.转下眼我哋就一齐一年啦!佢话过一等我够年龄就同我登记.我哋都好希望呢一日快D到.我哋都好想可以快D成为合法夫妻.斯守一生.      
        嗰日喺我哋一周年纪念.我哋去咗海南岛旅游.天气有D冻又唔可以游水.我唔知你带我来呢度做咩.但系当到达目的地嘅时候我终于明白.我哋企喺嗰两块写住天涯.海角嘅大石下面....      
       "老婆.天涯海角都有你陪我走过.我哋以后都唔可以分开噶啦."你拖住我对手同我讲.你又面红啦.你面红个样好得意.好可爱.      
        我哋一齐喺海边睇日落.我真系觉得自己好幸福.因为有你.虽然我从来未开口同你讲一句我爱你.但系我嘅心.你明白...      
        又就来过年啦.我哋一齐去行东门.之后佢话佢要去纹身.去到之后佢同个老板讲话要纹个X.因为我个名最后一个字系X呢个字母开头.佢将个X纹咗喺胸口.因为嗰度代表心.      
佢嘅意思系心只有我.见到佢咁我好感动.我都要求纹个H喺心口.之后我哋两个痛到一齐喺度震.但系震得好幸福.      
        之后我哋去行到西华宫门口.因为人太多.我哋走散咗.我先见到佢.我见到佢好似好紧张咁周围望.我特灯走过佢附近喺度叫佢个名.我扮到好惊咁.佢走过来揽住我.同我讲."傻猪.我喺度啊.".好甜蜜.好甜蜜...      
       夕阳真系好美.但系终于都系到咗黄昏......      
       嗰晚.我哋喺猎奇门HI紧.突然间佢朋友打电话来话佢哋喺百雅图同人哋打架.叫华过去.华叫咗佢F睇住我."老婆乖啊.老公出去一阵就番来.我爱你.要乖乖地啊."佢讲完呢句野就走咗...      
        一个钟过咗去.佢都未番来.我好惊.好担心.打电话俾佢竟然无人听.我越等越惊......      
       终于我最怕嘅事发生咗.佢妈妈打电话俾我叫我去医院.话华撞咗车衣家急救紧.我一边喊一边走落去接咗部的士过医院.去到医院.我见到佢妈妈坐喺手术室门口一直都喺度喊.      

       "点解会咁噶?"我走过去捉住佢妈对手.好激动咁问.      
       "我都唔知啊.头先有人打电话去屋企叫我来医院."佢妈已经喊到把声都哑埋.      
        我坐喺佢妈身边同佢妈揽埋一齐喊.一个钟.两个钟.三个钟.四个种.终于.手术室个门开咗.个医生走咗出来...      
        "我们已经尽力了.你们进去看看他吧.马上要推去太平间了."个医生讲完就走咗.      
        我同佢妈冲咗入去.见到佢训喺度.佢妈晕咗.D护士送咗佢妈走去第二度.得我一个留喺度...      
        我望住佢.手摸住佢块面.佢块面好冻.好冻.我除咗件衫帮佢撼住个身.佢最怕冻噶啦.我要俾D温暖佢.我用尽全力抱佢训喺我身上."华.唔怕.唔会冻噶啦.唔使怕."我猛咁锡佢块面.因为佢话过最钟意我锡佢."华.我爱你啊.你有无听到啊?应下我啊."我揽住佢喺佢耳边讲.我谂佢训着咗啊.所以无应我.一定喺咁.我一次又一次咁重复我爱你呢三个字.等到佢一训醒就可以听到我讲'我爱你'.佢随时可能会醒噶.所以我要一直讲.一直讲.      
        过咗一阵.D医务人员走咗入来.佢哋要我借过.佢哋推咗佢走.我企喺原地.望住佢俾人推走.我眼前一黑...      
        到我醒番已经喺自己屋企.我起身之后先记起.你离开咗.你永远离开咗.你离开咗两个世界上你最爱都系最爱你嘅女人...      
        四年啦.我一直都无同过其他男仔一齐.因为我系你老婆.永远都系.只戒指我带到衣家.我会戴一世.呢只戒指系我哋嘅结婚戒指.仲有条手链...      
       但系我嘅世界.喺你离开嗰一刻只剩底灰色...  

颓废烟火

好耐好耐以前，帖吧睇过嘅人飘过~~~~~~~~~~~~~~~~~~~~~~~~~