[求助]有冇善长仁翁肯收养一只可怜的小猫猫？

颓废烟火

今日响马田市场个F度坐住，忽然听到几声微弱嘅猫叫声，响周围揾咗好耐，循声音揾去先发现原来有只猫猫爬
 
咗入停住隔离嗰部东风风行（类似子弹头嗰种商务车）车头底嘅底盘里面，可能佢唔识得出番来，如果部车一发
 
动，只猫猫九成死硬了。
 
我揾咗只胶袋慢慢将佢响侧边引咗出来，然后将佢捉住。呢个系一只黄色条纹嘅猫猫，系男仔来嘅，睇个样大概
 
得两三个月大，个样几精灵活泼，不过叫得就好可怜，听朋友讲话佢响度叫咗一日了，可能成日都无饮过水吃过
 
嘢了，个嘴唔知整去边度搞到几污糟下，我揾咗条绳绑住咗佢，然后番屋企吃饭。同屋企人讲咗下，佢哋话如果
 
早个把月就可以收养佢，因为年前我家本来嗰两只猫有一只走失咗，剩低嗰只一直都冇晒心机，成个猫落晒型仲
 
病埋，后来到个几月前终于又揾咗只番来同佢做伴，而家先精神番。
 
唉，諗起只猫猫都可怜，就咁俾主人丢咗出来由佢自生自灭。于是我吃完饭就马上拿咗三条鱼仔出去，喂佢吃
 
咗，再整咗半杯沟咗水嘅红萝卜汁佢饮，然后将佢放去万乐福门口嘅灯柱度，我自己企响隔离。好多人行过都望
 
下望下咁，我见有D小朋友好似几有兴趣咁就问佢哋肯唔肯收养猫猫，但嗰D家长就耍手兼拧头，可能系冇爱心
 
又可能惊呢D系骗子玩嘅新花招（唉，呢个社会……）。
 
我又打咗好多电话俾人问有冇人收养佢，但嗰D平时所谓嘅爱心人士一个个都原形毕露，真系世态炎凉咯，而嗰
 
只猫猫响我打电话嘅时候可能都知道我帮佢揾紧肯收留佢嘅善长仁翁，一直都好乖，静静咁望住我。终于打完最
 
后一个电话都系一无所获，我真系好失望。
 
呢个社会莫非真系人人都系行尸走肉，都系一具冇感情嘅皮囊？满怀失望嘅我唯有走过网吧，揾咗只细纸皮箱将
 
佢装起带番来，留响停车场有瓦遮头嘅地方，绑住我部车度等佢过一晚先。而家唯一嘅希望就响许愿度，佢话要
 
问下佢厂度养唔养，猫猫嘅生死就掌握响佢手中了，不过我諗都系失望多了。
 
而家諗番起个猫猫就好似一个人咁，孤零零俾人抛弃咗，好嘅就做一只流浪猫，唔好嘅就就好似以前网上踩猫同
 
生剥猫皮嘅视频咁死于非命，諗起都眼湿湿……

某领导

有时候系爱莫难助呀,我想收养,但无咩时间去照顾,

我个人有的怕猫,猫的眼神忧郁,叫起来更是悲惊~

多年前吃过一次猫肉,吐到七采锦~~

精神上支持下~~

颓废烟火

其实养普通家猫系好简单，并唔同得D观赏猫咁繁琐。平时有嘢俾佢吃有水俾佢饮，再俾D小玩具佢玩都得了，天气暖嘅时候冲下凉，如果唔系地方太污糟嘅话一个季度冲一次就够了。

有时养啱只有灵性嘅猫猫，你成日喂佢食佢对你会有感情，你从外面番来佢识得企响门口等你，你闷嘅时候抱住佢，佢会好安静咁抱埋双手眯住眼任你摸。

一般佢只会去到陌生嘅地方头几日先经常叫，熟悉咗之后佢就好少乱咁叫了，平时叫都系因为佢肚饿或者唔舒服。

至于疾病，只要你唔系成日俾佢日晒雨淋，佢系好少有病嘅。我屋企养咗几年嘅猫先病咗两次，都系喂土霉素就好咗。一次将半粒土霉素剪碎混落D鱼同饭度俾佢吃落去，吃得两日就冇咗事，一样龙精虎猛。

只要付出少少关心，佢就可以过上同流浪猫截然不同嘅生活了。

颓废烟火

以前我哋呢度唔系传闻话搞个收养流浪猫猫狗狗嘅活动个么？莫非又系得个讲字？

爱一个人

支持,但我屋企无条件养~~

有心的就去及下啦