[分享]养流浪猫嘅第一天

颓废烟火

       事实终于话俾我知，只猫猫系冇人肯收留佢了。本来有个人话可以收留佢，但佢话养大会拿来吃，我都系唔想将佢送俾人，与其俾人吃，倒不如去做野猫好过啦。但系佢而家咁细个，丢咗佢唔知识唔识得生存，所以我都系决定照顾佢一排先再考虑点安置佢。
 
       因为妈妈唔俾我将猫猫带番屋企，我惟有将佢带咗出铺头，仲同佢安咗个好老土嘅名叫“开心”——希望佢可以开开心心，就算冇人要佢。
 
       同佢洗白白嘅时候，佢好乖好安静，一D都唔挣扎，唔同得我屋企嗰两只咁，见水怕过见鬼。望住佢静静咁眯埋眼俾我搓泡泡嘅样，我忽然觉得好心酸，唔知佢知咗自己嘅身世会唔会都一样咁伤心难过。冲完凉将支神奇药笔整碎渗上开心个身度，佢一直都好配合，虽然我都好小心，但都好惊会整到佢对眼度，好彩佢识得眯埋对眼，好似好ENJOY咁样，唉，可怜嘅猫猫。
 
       搞掂咗之后同开心戴咗只靓靓猫箍，带住佢响铺头周围散步。佢好似好兴奋个样，见到乜都走埋去闻下又摸下咁，行过坑渠佢仲伸个头入去好凶狠咁

叫咗两声，可能系话俾D老鼠知以后呢个地头由佢来睇咁嘅意思。
 
       行咗十零分钟，我要番去吃饭了，就带番开心番去，佢好似好唔舍得咁，仲瞓响地下打滚赖死唔走，我猛咁同佢讲够钟番去吃饭啦，讲咗好多次佢先

依依不舍咁跟住我番番入去，然后我绑响窗口，放咗碟鱼同水俾佢。
 
       行出门口之后，佢响后面猛咁嗌，我行番入来佢又唔嗌了，同佢对咗一日，睇来佢对我都有咗感情了。
 
       吃完饭我又好挂住佢，又出咗去睇佢，先发现佢有少少肚屙，可能我未收留佢之前吃咗D唔干净嘅嘢，而且佢咁细个，肠胃功能未系好好嘅原因吧，

我拿咗粒药，整烂掺落条鱼度喂佢吃咗，就同佢一边玩一边倾计，佢都好开心咁跳上跳落，应该系响度熟悉紧环境。
 
       可能而家我系开心唯一嘅亲人了，我都系第一次收养流浪猫，可能因为我第一眼见到开心嘅时候就觉得好有亲切感，而且佢都唔怕我，所以我先决定

收留佢。希望佢可以好似条名咁，无论身世几可怜，无论遇到乜嘢风雨，都能够开开心心咁去面对将来嘅每一日，如果第日真系要将佢放生，我都唔知自

己到时舍唔舍得。

魔法女皇

[aosea20,6]楼主好野~~有无只猫咯相牙~~[aosea20,19]

颓废烟火

只猫猫同我头像差唔多，不过对眼同耳仔大D，好少见咁细个猫猫对眼同耳仔有咁多，可能因为佢从小就面对咁多困难有关啦

某领导

吾钟意猫~~钟意狗多的~

不过都希望多的人关注下的流浪猫狗~~

[aosea20,36]

jinling889

LZ真有爱心！～

dj阿强

哗......甘有爱心........小心被猫抓啊....刚收养就帮它洗澡.容易抓人啊.........

 

[aosea2,75][aosea2,75][aosea2,75][aosea2,75][aosea2,75][aosea2,75]

许愿

我想问一声，如果俾它抓左，要去医院打针吗？

颓废烟火

我屋企三只猫,三只都抓过我,不过只系烂咗少少皮,所以都无打过针

不过出于安全,最好去打啦,只不过我觉得第一佢哋一直都响屋企无出过去,第二抓得都唔系好严重,所以我无理过