差啲偷渡去hk

唏嘘嘅须根

2005年10月30日，阴，大风
今日一大早，单位组织去白云山登高，发钱，冇我份（哭）～～。10点半落山，我地一行10人坐住带头大哥租番嚟嘅丰田van仔(5000押金，400/日，200加1日）产上东风路，黄浦大道，杀上华南快速干线，直奔我地嘅目的地——大学城。
原嚟去大学城系去接带头大嫂，同时去大学城附近吃“泥包鸡”。40蚊一只泥包鸡有辣有唔辣，香味的确浓郁，3粒半星。
腐败一餐后，我地小游咗一下大学城嘅超市，买水买零食。
1：30分，再接上华南快线，狂奔半个钟后响“万顷沙”出口，再奔咗1个钟，嚟倒带头大哥十年前嚟过嘅十九涌！哩度系一条条河涌接入珠江口出海，如此数落嚟，到哩条应该系最外面嘅十九涌。带头大哥惊道：“顶！”，顺住佢嘅目光，一个刻有“禁止在十九涌出海。所有出海游船迁往十五涌”嘅指示牌兜口兜面星咗我地几巴。
唯有调头去十五涌，但系指示极不明确，15分钟后到咗一个所谓出海游嘅地方，发觉只有一家酒楼，码头咩船都冇。
一行人唯有无奈咁调头翻出去十四涌由我出马问路...嘿～原嚟哩个所谓出海游嘅地方真系出海游嘅地方～嘿，就响“百万葵园”嘅路口转右直入！
问船家点解刚才我地盲咗，原嚟因为佢地都系岩岩番嚟，一般11点左右出发，3点左右番嚟。1100一条船，限载12人（其实可以坐20人都不觉得逼，不过唔知船家敢唔敢违规..）包吃一餐，5蚊每人保险费。4点钟，几经周转后，我地先上咗19138号船，出海喇～～！！
其实下午嘅天气比较恶劣，阴天，光线唔够，大风，浪唔算大，而且我地系下午出发，船家唔敢开太远，天黑前要靠岸（睇嚟1100有啲被宰嫌疑）。但系哩啲都影响唔倒我地嘅心情，一行人疯狂拍照，吹风，谈情（哭2）...抛弃晒船上嘅扑克同麻将。到咗深港边界嘅海域，我地开始调头。
到咗本嚟以为嘅戏玉——拖网捕鱼！点知只网奇细，不及响鱼塘撒嘅网1/4！两个网一共捞咗都冇15斤嘢上嚟～船家话佢地啲船系拖咁细而已，本想要佢再落一网，考虑到时间问题就作罢了！不过船上已经准备好其他食品，包括有海鱼干、虾、藕（4粒星）、白切鸡，然后将我地拖上嚟嘅鱼毛虾仔全部落油窝炸上嚟（简直系曝敛天物啊！！！！-5粒星）。由于极其大风，冻，食得极其狼狈，大家都随便食咗啲嘢就算！堪称此行最大败笔～
食完嘢居然差唔多翻到码头，沿途海燕低飞，但系光线已经唔够拍照用喇...
6点钟上岸，居然先玩得两个零钟，蚀底啊～！不过始终系快乐同兴奋战胜咗食物、时间、天气三个败笔，我地冇同船家计较（其实除非先讲好价，落嚟就冇得讲喇）。
回程响十四涌买藕同木瓜，果然十分美味！
8点番到广州，继续各自嘅下半场......

踏浪行歌

出游点可以无拍相哦................

贴多的PP好过睇游记

[em01]