[讨论]KFC的错字？

颓废烟火

登录/注册后可看大图

今日响街上发现咗KFC的一条横额，就好似图片中咁，一眼睇落去就觉得有D唔妥。

后来番来查咗查汉语词典，发现真系冇“招务”呢个词条，但我唔敢讲佢肯定错咗或者肯定冇错。

“招募”响汉语词典中系有收录嘅一项词条，发音系：zhaomu，其释义系“募集人员”；而“招务”发音系：zhaowu，因为汉语词典中冇收录呢项词条，所以无法查检到释义部分。

根据两者响广州话发音中系同音异形词，所以我觉得估计系工作人员嘅疏忽，再加上横额制作人员可能文化不高，做好后KFC方面亦无审核，就出现咗呢种情况。

当然我唔敢断言“招务”系错嘅，毕竟社会发展到而家，汉字受到嘅冲击非常大，社会上非规范用字等现象屡见不鲜，再加上网络用语嘅混淆视听，例如好多学生非常喜欢用嘅紫光拼音异体字等情况，导致用字规范一片混乱，但却各有各说法。发呢条帖系想等大家有兴趣嘅朋友一齐发表下自己嘅意见。

例如呢个KFC横额中，“招务”佢可以解释为“招聘人员的业务”，但如果系咁嘅解释，“火热”就属于形容词修饰后面嘅中心语；而“火热招募”则属于副词来修饰后面嘅动词。

或者我咁讲可能系吹毛求疵。因为出边街嘅错字别字比比皆是，甚至连四会新人网都系到处有，大家都司空见惯了。

个人觉得：网站错别字无可厚非，毕竟一个网络产物，连言论都无须负责嘅环境，更何况错别字呢？而且网站并唔系什么正式嘅文化出版物，即使网站官方有错字，站长本身都未必明白甚至改正，毕竟并唔系好多中国人对自己民族使用咗几千年嘅文字有好深认识，甚至都系得过且过。记得早前《今日关注》曾经讨论过网络用字规范嘅问题，赞成同唔赞成嘅比例都差唔多，赞成网络用字规范嘅人只以微弱嘅优势胜出。咁反映咗两个可能：一、网络用字根本唔需要规范，根本属于小题大作；二、错嘅人多咗，自然就觉得错误已经唔属于错误了，正所谓人行得多自然有咗路，又或者“存在即是合理”。

但KFC作为一个国际品牌，而且面对嘅消费群主要系由小朋友、学生等是非观念未完全定型嘅群体组成，对年轻一代嘅影响甚为深远。作为响中国开设嘅连锁快餐企业，系咪应该遵循所在国家嘅风俗，使用大众普遍使用嘅用语，而唔系随自己所好创造所谓嘅“新词”呢？

同样仲有一个例子：响“致悦互动”隔离嘅“辉煌”卡拉OK嘅招牌写住“演译”呢个词，但实际应该为“演绎”先系啱，但呢D属于私人娱乐场所，人哋成间卡拉OK工作人员中，可能最高文化嗰个高中都未毕业都唔出奇，而且针对嘅消费群并唔属于高危人群，所以嗰一两个错字不足为奇。

但KFC咁嘅机构咁嘅情况，如果出现咁嘅错误，估计响国外早就应该响报纸上打头版更正道歉了，而据我观察，呢条横额已经悬挂咗超过三天了（可能更长都未定），再加上传言中KFC开一家分店系会委托“兰德”之类投资咨询机构或者自己组织一个调查组，调查最少两年嘅时间先会是否值得开设，然后再确定开设嘅地段等具体事项，但四会呢间未免开得“太快”了，联合埋呢次嘅“疑似”错字事件，更加令我觉得呢间KFC有D“流”——当然，呢D都系个人意见。

[此贴子已经被作者于2007-7-10 17:47:45编辑过]

火华

好.楼主四会多几个好似你咁样嘅人,素质就会提高好多啰.

潴繎卟哃

厉害．．．．甘你快Ｄ去同ＫＦＣ噶讲．．．话５定你以后去吃都可以免费啊

jinling889

哦　哈哈　ＬＺ真细心～！～

某领导

感谢你的发现,特代表某集团送你KFC套餐一份,听日过来领~~~

[aosea20,10]

某领导

感谢你的发现,特代表某集团送你KFC套餐一份,听日过来领~~~

[aosea20,10]